مقاصد
دَ میسج میڈیا کا بنیادی مقصد کتاب و سنت اور اجماعِ امت کی روشنی میں اسلامی تعلیمات کو عام کرنا، دینی و اصلاحی شعور کو فروغ دینا اور عصرِ حاضر کے مختلف فکری، اعتقادی اور معاشرتی چیلنجز کے مؤثر اور مدلل جوابات پیش کرنا ہے۔ اسی مقصد کے تحت الحمدللہ درج ذیل خدمات انجام دی جا رہی ہیں:
- 1اصلاحی و تربیتی بیانات کی ریکارڈنگ و اشاعتممتاز اور معروف علماء کرام کے علمی، اصلاحی اور تربیتی بیانات کی ریکارڈنگ اور انہیں مختلف ذرائعِ ابلاغ کے ذریعے عام کرنا۔
- 2حالاتِ حاضرہ میں دینی رہنمائیموجودہ حالات اور روزمرہ پیش آنے والے دینی و معاشرتی مسائل کے حوالے سے مختصر، مؤثر اور عام فہم ویڈیو کلپس کے ذریعے مسلمانوں کی رہنمائی کرنا۔
- 3خصوصی اسلامی پروگرامز اور سیریزماہِ ربیع الاول، رمضان المبارک، محرم الحرام اور دیگر اہم اسلامی ایام، مہینوں اور مواقع کی مناسبت سے قرآن و سنت، سیرتِ رسول ﷺ اور اسلامی تعلیمات پر مشتمل خصوصی پروگرامز اور سیریز پیش کرنا۔
- 4باطل نظریات و گمراہ کن افکار کا علمی ردقادیانیت، شیعیت اور دیگر باطل نظریات و گمراہ کن افکار کے رد کے لیے ماہر علماء کرام کے علمی و مدلل بیانات کی ریکارڈنگ اور اشاعت کرنا۔
- 5اسلام اور سیرتِ رسول ﷺ کے خلاف اعتراضات کا جواباسلام، قرآن کریم اور ذاتِ اقدسِ رسول اللہ ﷺ کے خلاف کیے جانے والے اعتراضات، شبہات اور گستاخانہ افکار کا قرآن و سنت کی روشنی میں مؤثر، مدلل اور حکمت پر مبنی جواب پیش کرنا۔
- 6طلبہ و طالبات میں دینی شعور کی بیداریاسکولوں، کالجوں اور دیگر تعلیمی اداروں کے طلبہ و طالبات کے درمیان اسلامی موضوعات پر کوئز اور علمی مسابقات منعقد کرکے نئی نسل میں دینی معلومات، اسلامی شعور اور دین سے وابستگی پیدا کرنا۔
- 7تحریری و تقریری مسابقات کا انعقادمعاشرے کے مختلف طبقات میں دینی شعور بیدار کرنے کی غرض سے آن لائن اور آف لائن تحریری، تقریری، کوئز اور دیگر علمی مسابقات کا انعقاد کرنا، تاکہ ہر طبقے میں دین سیکھنے، سمجھنے اور اس پر عمل کرنے کی طلب و تڑپ پیدا ہو۔
- 8نوجوانوں کی دینی و فکری تربیتنوجوان نسل کو درپیش فکری، اخلاقی اور معاشرتی مسائل کے حوالے سے مفید دینی مواد، تربیتی پروگرامز اور رہنمائی فراہم کرنا، تاکہ وہ اسلامی اقدار کے ساتھ اپنی زندگی کو بہتر انداز میں استوار کرسکیں۔
- 9خواتین میں دینی شعور کا فروغخواتین کے لیے ان کی ضروریات اور معاشرتی ذمہ داریوں سے متعلق خصوصی دینی و اصلاحی پروگرامز، لیکچرز، کوئزز اور تربیتی سرگرمیوں کا انعقاد کرنا۔
- 10دینی و فکری پوڈکاسٹسعلماء کرام، ماہرینِ تعلیم اور اہلِ علم کے ساتھ دینی، علمی، فکری، تربیتی اور معاشرتی موضوعات پر مفید و معلوماتی پوڈکاسٹس کا انعقاد اور اشاعت کرنا، تاکہ اہم اور عصری مسائل پر مستند رہنمائی کو عام فہم اور مؤثر انداز میں ناظرین و سامعین تک پہنچایا جاسکے۔
- 11دینی و علمی سرگرمیوں کی دستاویز بندیمختلف دینی اجتماعات، علمی پروگراموں، سیمینارز، کانفرنسوں اور دیگر اصلاحی سرگرمیوں کی معیاری ریکارڈنگ اور محفوظ دستاویز بندی کرنا، تاکہ یہ علمی و دینی سرمایہ آئندہ نسلوں کے لیے بھی قابلِ استفادہ رہے۔
- 12مستند دینی مواد کی وسیع پیمانے پر اشاعتجدید ڈیجیٹل ذرائع، سوشل میڈیا اور آن لائن پلیٹ فارمز کے ذریعے مستند دینی و اصلاحی مواد کو عام کرنا اور اسے دنیا بھر کے اردو داں مسلمانوں تک پہنچانا۔
- 13دعوت و اصلاح کے لیے جدید ذرائع کا استعمالعصرِ حاضر کے تقاضوں کو سامنے رکھتے ہوئے ویڈیو، آڈیو، مختصر کلپس، لائیو نشریات، پوڈکاسٹس، آن لائن پروگرامز اور دیگر جدید ذرائع کو دعوت، تعلیم اور اصلاح کے لیے مؤثر انداز میں استعمال کرنا۔
دَ میسج میڈیا کا عزم ہے کہ علمائے کرام کی رہنمائی میں مستند دینی تعلیمات کو جدید ذرائعِ ابلاغ کے ذریعے ہر طبقۂ زندگی تک پہنچایا جائے اور معاشرے میں علم، عمل، اصلاح اور دین سے وابستگی کی فضا کو فروغ دیا جائے۔